ڈی آئی خان میں سی ٹی ڈی نے 3 دہشت گرد ہلاک

ڈی آئی خان( ترکیہ خبر) سی ٹی ڈی ڈیرہ اسماعیل خان ریجن نے ایک کامیاب انٹلیجنس بیسڈ کارروائی میں 3 مطلوب دہشت گرد ہلاک کر دیے۔سی ٹی ڈی حکام کے مطابق ہلاک دہشت گردوں کی شناخت نعمت اللہ، عبد الرؤف افغانی اور مصطفیٰ کے طور پر ہوئی، جو پولیس اور سکیورٹی فورسز پر حملوں میں ملوث تھے۔ کارروائی کے دوران ان سے 3 کلاشنکوفیں، 9 میگزینیں، 2 ہینڈ گرینیڈز اور متعدد کارتوس برآمد ہوئے۔آئی جی خیبر پختونخوا پولیس اور ایڈیشنل آئی جی سی ٹی ڈی نے ٹیم کی کامیابی پر خراجِ تحسین پیش کیا اور کہا کہ پولیس پر حملوں کا جواب دہشت گردوں کے خاتمے سے دیا جائے گا۔ انہوں نے کہا کہ انٹلیجنس بیسڈ آپریشنز کا سلسلہ مزید تیز کر کے خارجیوں کا خاتمہ یقینی بنایا جائے گا۔وفاقی وزیرداخلہ محسن نقوی نے ڈی آئی خان میں 3 بھارتی سپانسرڈ دہشت گردوں کے خاتمے پر سی ٹی ڈی کی ستائش کی اور جوانوں کی بہادری اور پیشہ وارانہ صلاحیتوں کو سراہا۔ انہوں نے کہا کہ یہ کارروائی فتنہ الہندوستان کے مذموم عزائم کو ناکام بنانے کی سمت میں اہم قدم ہے اور قیام امن کے لیے قوم بہادر فورسز کے شانہ بشانہ کھڑی ہے۔