چوہنگ: رانا آفتاب کے قتل کی تفتیش کا دائرہ وسیع کردیا گیا

لاہور( پاکستان خبر)چوہنگ کے علاقے میں سابق ایکسائز ملازم رانا آفتاب کے قتل کے معاملے پر پولیس نے تفتیش کا دائرہ کار وسیع کر دیا ہے۔ تفتیشی ذرائع کے مطابق، گزشتہ سال جنوری میں نجی ٹیکسٹائل کے مینجر عمر کو بھی نامعلوم افراد نے فائرنگ کرکے قتل کیا تھا۔ عمر کو گھر سے فیکٹری جاتے وقت حملہ آوروں نے نشانہ بنایا تھا۔ذرائع کے مطابق، رانا آفتاب اور عمر کے قتل میں کچھ مماثلت پائی جاتی ہے، تاہم دونوں کے قتل کے محرکات ایک جیسے نہیں ہیں، جس کا تعین جاری تفتیش میں کیا جائے گا۔عمر کے قتل کا مقدمہ قصور کے علاقے کوٹ رادھا کشن میں درج کیا گیا تھا، اور رانا آفتاب کے قتل کے سلسلے میں بھی پولیس نے شواہد اور ممکنہ مشتبہ افراد کی تحقیقات شروع کر دی ہیں۔۔