لاہور( شوبز ڈیسک) معروف پاکستانی گلوکار عاطف اسلم نے اپنی شادی کی 13 ویں سالگرہ کے موقع پر اہلیہ سارہ بھروانا کے لیے دل چھو لینے والا پیغام انسٹاگرام پر شیئر کیا۔گلوکار نے اہلیہ کے ہمراہ یادگار تصاویر اپنے مداحوں کے ساتھ شیئر کیں اور لکھا کہ "یہ وہ لڑکی ہے جس نے 13 سال پہلے آج کے دن باقی تمام لڑکیوں کے دل توڑ دیے تھے لیکن میرے دل کو زندگی بھر کے لیے خوش کر دیا۔"عاطف اسلم نے مزید کہا کہ "اس دن کے بعد سے ہر لمحہ ہماری زندگی کا ایک خوبصورت باب رہا ہے، الحمدللہ" اور جذبات کا اظہار کرتے ہوئے لکھا کہ "آپ سے ملنے سے پہلے تک میں یہ نہیں جانتا تھا کہ محبت اتنی طاقتور ہو سکتی ہے۔"ان کی اس پوسٹ کو مداحوں کی جانب سے بھرپور سراہا جا رہا ہے اور سوشل میڈیا صارفین انہیں شادی کی سالگرہ پر مبارکباد دے رہے ہیں۔ واضح رہے کہ عاطف اسلم اور سارہ بھروانا 2013 میں شادی کے بندھن میں بندھے اور ان کے ہاں دو بیٹے اور ایک بیٹی ہیں۔
عاطف اسلم نے اہلیہ کے لیے 13 ویں سالگرہ پر محبت بھرپور پیغام شیئر کر دیا
2 گھنٹے قبل
