حکیم کی جوان لڑکی سے شادی سوشل میڈیا پر وائرل

راولپنڈی( شوبز ڈیسک)پاکستان میں راولپنڈی کے 60 سالہ حکیم کی چند روز قبل جوان لڑکی سے شادی کی ویڈیوز سوشل میڈیا پر وائرل ہو گئی ہیں، جس نے صارفین میں شدید بحث کو جنم دیا ہے۔ابتدائی طور پر صارفین نے شادی اور ویڈیوز پر منفی ردعمل کا اظہار کیا۔ بعض نے بزرگ شہری کی تنقید کی تو کچھ نے کہا کہ لڑکی نے صرف مالی فوائد کے لیے اپنی زندگی کا فیصلہ کیا۔تاہم، گزشتہ روز حکیم نے اپنی شادی کی کہانی سناتے ہوئے اسے ’لو میرج‘ قرار دیا اور بتایا کہ یہ شادی ان کی زندگی کا خوشگوار فیصلہ ہے۔ سوشل میڈیا پر اس معاملے نے نوجوان اور بزرگ دونوں کے درمیان شادی کے موضوع پر دلچسپ بحث پیدا کر دی ہے۔