زمان خان زخمی، نیشنل ٹی ٹوئنٹی کپ سے باہر، فٹنس بحالی میں 4 سے 6 ہفتے لگ سکتے ہیں

راولپنڈی( سپورٹس ڈیسک)پاکستان کے فاسٹ بولر زمان خان نیشنل ٹی ٹوئنٹی کپ کے دوران زخمی ہو کر ایونٹ سے باہر ہو گئے ہیں۔پاکستان کرکٹ بورڈ کی جاری کردہ پریس ریلیز کے مطابق زمان خان پشاور اور فیصل آباد کے میچ کے دوران کندھے کی انجری کا شکار ہوئے۔پی سی بی نے انہیں ہدایت کی ہے کہ وہ نیشنل کرکٹ اکیڈمی لاہور میں رپورٹ کریں تاکہ بورڈ کے میڈیکل پینل ان کی ریکوری اور ری ہیب کا مکمل پلان ترتیب دے سکے۔کرکٹ بورڈ کا کہنا ہے کہ زمان خان کی فٹنس کی مکمل بحالی میں تقریباً 4 سے 6 ہفتے لگ سکتے ہیں، جس کے بعد ہی وہ دوبارہ کھیل میں حصہ لے سکیں گے۔