پاکستان اور بنگلہ دیش کے درمیان ون ڈے سیریز آج سے آغاز

 ڈھاکا( سپورٹس ڈیسک)پاکستان اور بنگلہ دیش کے درمیان تین میچوں پر مشتمل ون ڈے انٹرنیشنل سیریز آج ڈھاکا کے شیر بنگلا نیشنل کرکٹ اسٹیڈیم میں شروع ہو رہی ہے۔ پہلا میچ پاکستانی وقت کے مطابق سہ پہر 1 بجکر 15 منٹ پر کھیلا جائے گا۔گزشتہ ہوم سیریز میں بنگلہ دیش نے پاکستان کو وائٹ واش کیا تھا، لیکن گرین شرٹس نے گزشتہ دو برس میں مختلف ٹیموں کے خلاف پانچ ایک روزہ سیریز جیتی ہیں۔ اس دوران بنگلہ دیش صرف دو ون ڈے سیریز جیتنے میں کامیاب رہا۔ مہدی حسن میراز کی کپتانی میں بولنگ ایوریج 43.92 رہی، جبکہ ایک عام کھلاڑی کے طور پر ان کی بولنگ اوسط 35.66 رہی ہے۔اس سیریز میں پاکستان کی جانب سے تین کھلاڑی اپنے کیریئر کا پہلا ون ڈے میچ کھیلیں گے: صاحبزادہ فرحان، معاذ صداقت اور شامل حسین۔ قابل ذکر ہے کہ صاحبزادہ فرحان ٹی ٹوئنٹی ورلڈ کپ میں بھی ٹاپ اسکورر رہ چکے ہیں۔سیریز کا دوسرا اور تیسرا میچ بالترتیب 13 اور 15 مارچ کو شیڈول ہیں۔ گزشتہ سیریز میں شیر بنگلا اسٹیڈیم پر ویسٹ انڈیز اور بنگلہ دیش نے 84 فیصد اوورز اسپن بولرز کے ذریعے کھیلے، ایک میچ میں تو ویسٹ انڈیز نے تمام 50 اوورز اسپنرز سے کروائے۔