فخر زمان ہیمسٹرنگ انجری کے باعث بنگلا دیش سیریز سے باہر

لاہور( سپورٹس ڈیسک)پاکستان کرکٹ ٹیم کے جارح مزاج بلے باز فخر زمان بنگلا دیش کے خلاف تین ون ڈے میچوں کی سیریز سے باہر ہوگئے ہیں۔ذرائع کے مطابق فخر زمان ہیمسٹرنگ انجری کا شکار ہوئے ہیں جس کی وجہ سے وہ دورہ بنگلا دیش میں ٹیم کا حصہ نہیں بن سکیں گے۔پاکستان کی ون ڈے ٹیم کی قیادت اب شاہین آفریدی کریں گے اور ٹیم کا دورہ پروگرام کے مطابق جاری رہے گا۔قومی ٹیم 9 مارچ کو کراچی سے روانہ ہوگی اور تین ون ڈے میچز 11، 13 اور 15 مارچ کو ڈھاکا میں کھیلے جائیں گے۔ قومی ون ڈے اسکواڈ کا اعلان ایک دو روز میں چیئرمین محسن نقوی کی منظوری سے کیا جائے گا۔