کھیلوں کی عالمی عدالت نے بھارتی ریسلر ونیش پھوگاٹ کی اپیل کو مسترد کر دیا ہے۔
عالمی عدالت نے ونیش پھوگاٹ کی اولمپکس ویمن ریسلنگ سے ڈس کوالیفائی ہونے کے خلاف اپیل رد کر دی ہے۔
پیرس اولمپکس میں ونیش پھوگاٹ کو وزن زیادہ ہونے کی وجہ سے 50 کلوگرام ریسلنگ کے فائنل سے نااہل قرار دیا گیا تھا۔
ونیش پھوگاٹ نے پہلے روز وزن ٹھیک ہونے کی بنیاد پر سلور میڈل کے لیے اپیل دائر کی تھی، لیکن آج عالمی ثالث عدالت نے ان کی اپیل مسترد کر دی۔
عدالت کے مختصر فیصلے میں کہا گیا ہے کہ خاتون ریسلر کی اپیل تسلیم نہیں کی گئی، جبکہ تفصیلی فیصلہ بعد میں جاری کیا جائے گا۔
