افریقا کے مختلف ممالک میں منکی پاکس کا ایک نیا ویرینٹ سامنے آیا ہے۔
عالمی ادارہ صحت (ڈبلیو ایچ او) نے منکی پاکس کو عالمی ایمرجنسی قرار دے دیا ہے۔
ڈبلیو ایچ او کے مطابق، افریقا کے 13 ممالک میں ایمپوکس کا نیا ویرینٹ تیزی سے پھیل رہا ہے، اور اس وقت کانگو میں منکی پاکس کا پھیلاؤ بہت تیز ہے۔
دوسری جانب، پاکستان نے اپنے تمام داخلی راستوں پر ایمپوکس، زیکا وائرس اور دیگر بیماریوں کی روک تھام کے لیے اقدامات کرنے کا فیصلہ کیا ہے۔
واضح رہے کہ نیشنل کمانڈ اینڈ آپریشن سینٹر (این سی او سی) نے دنیا بھر میں منکی پاکس کے بڑھتے ہوئے کیسز اور بھارت میں زیکا وائرس کے پھیلاؤ کے پیش نظر بارڈر ہیلتھ سروسز کو الرٹ جاری کر دیا ہے۔
این سی او سی نے ہدایت دی ہے کہ بیرون ملک سے آنے والے مسافروں کی سخت نگرانی کی جائے اور منکی پاکس کے مشتبہ مریضوں کو خصوصی وارڈز میں قرنطینہ کیا جائے۔
