اسلام آباد: الیکشن کمیشن نے وفاقی دارالحکومت میں 29 ستمبر کو بلدیاتی انتخابات کے انعقاد کا اعلان کیا ہے۔
الیکشن کمیشن نے اسلام آباد میں بلدیاتی انتخابات کا شیڈول بھی جاری کر دیا ہے، اور اسلام آباد میں کسی نئی اسکیم کے اعلان پر پابندی عائد کر دی گئی ہے۔
الیکشن کمیشن کے مطابق امیدوار 16 سے 20 اگست تک کاغذات نامزدگی جمع کرا سکتے ہیں، جبکہ کاغذات کی جانچ پڑتال 22 سے 26 اگست تک کی جائے گی۔
یاد رہے کہ اسلام آباد میں بلدیاتی حکومت کی 5 سالہ مدت فروری 2021 میں مکمل ہو گئی تھی، اور قانون کے مطابق 3 ماہ میں انتخابات منعقد ہونے تھے۔
