اسرائیلی فوج کی بمباری سے غزہ میں 44 بے گھر فلسطینی شہید ہوگئے۔
غیر ملکی خبر رساں ادارے کے مطابق، اسرائیلی فوج نے بے گھر فلسطینیوں کی پناہ گاہ کے طور پر استعمال ہونے والے اسکولوں پر بمباری کی، جس کے نتیجے میں 44 فلسطینی شہید ہوگئے۔
دوسری جانب، ڈرون حملے سے الاقصیٰ شہدا اسپتال کے صحن میں بے گھر افراد کے خیموں میں آگ لگ گئی، جس سے کئی فلسطینی متاثر ہوئے۔
یہ بھی پڑھیں: غزہ میں اسرائیلی فوج کا ایک بار پھر پناہ گزین اسکول پر حملہ، بچوں سمیت 17 فلسطینی شہید اسرائیلی فوج نے حماس اور حزب اللہ کمانڈروں پر ٹارگٹڈ حملے بڑھا دیے ادھر، یمن کے حوثی گروپ نے صعدہ صوبے میں امریکی ڈرون مار گرانے کا دعویٰ کیا ہے جبکہ خلیج عدن میں بھی بحری جہاز کو بیلسٹک میزائل سے نشانہ بنایا گیا۔
مزید برآں، پوپ فرانسس نے مشرق وسطیٰ میں بڑھتی کشیدگی پر تشویش کا اظہار کرتے ہوئے ایک بار پھر غزہ میں جنگ بندی کا مطالبہ کیا ہے۔
پوپ فرانسس کا کہنا ہے کہ جنگ شکست ہے، مشرق وسطیٰ تنازعات کے حل کے لیے مذاکرات کیے جائیں۔
