وفاقی بجٹ میں تنخواہوں میں 15 یا 20 فیصد اضافے کی ابتدائی تجویز سامنے آئی ہے۔
وزارت خزانہ کے ذرائع کے مطابق بیوروکریسی کی موناٹائزیشن پالیسی میں 40 ہزار سے 60 ہزار روپے اضافے کی تجویز دی گئی ہے۔
گریڈ 20 تک کے افسران کے لیے موناٹائزیشن کو 65 ہزار روپے سے بڑھا کر 1 لاکھ 5 ہزار روپے کرنے کی تجویز دی گئی ہے۔
گریڈ 21 کے افسران کے لیے موناٹائزیشن پالیسی کو 75 ہزار روپے سے بڑھا کر 1 لاکھ 20 ہزار روپے کرنے کی تجویز دی گئی ہے۔
ذرائع کا کہنا ہے کہ گریڈ 22 کے افسران کو ملنے والی موناٹائزیشن 95 ہزار روپے سے بڑھا کر 1 لاکھ 55 ہزار روپے کرنے کی تجویز زیر غور ہے۔
گریڈ 1 سے 22 کے ملازمین کی تنخواہوں میں 10 فیصد اضافے سے تقریباً 80 ارب روپے کا مالی بوجھ آئے گا۔
ذرائع کے مطابق گریڈ 1 سے 16 کے ملازمین کے لیے میڈیکل اور کنوینس الاؤنس میں 200 فیصد اضافے کا مطالبہ کیا گیا ہے۔ گریڈ 1 سے 16 کے ملازمین کو اس وقت 1800 روپے کنوینس الاؤنس اور 1500 روپے میڈیکل الاؤنس مل رہا ہے۔
