وزیرِ اعلیٰ پنجاب مریم نواز نے اعلان کیا ہے کہ کاشتکاروں کے لیے کسان کارڈ کا اجراء کر دیا گیا ہے۔
ایک بیان میں مریم نواز نے بتایا کہ کسانوں کو سالانہ 300 ارب روپے کے قرضے فراہم کیے جائیں گے، اور ہر کسان ایک فصل کے لیے ڈیڑھ لاکھ روپے تک قرض حاصل کر سکے گا۔
انہوں نے مزید کہا کہ کسان کارڈ کے ذریعے کاشتکار کھاد، بیج اور دیگر ضروری اشیاء خرید سکیں گے، اور 5 لاکھ کاشتکار اس کارڈ سے مستفید ہوں گے۔
مریم نواز نے کہا کہ ساڑھے 12 ایکڑ تک اراضی رکھنے والے کاشتکار کسان کارڈ کے لیے رجسٹریشن کے اہل ہوں گے۔
