دنیا کے معروف ٹیکنالوجی ماہر ایلون مسک کی بیٹی، ویوین جینا ولسن، نے ماڈلنگ کی دنیا میں قدم رکھ دیا ہے۔ انہوں نے 15 مئی کو فیشن برانڈ ‘وائلڈ فینگ’ کی نئی مہم میں شرکت کرکے اپنے ماڈلنگ کیریئر کا آغاز کیا ۔
21 سالہ ویوین نے اس مہم میں نہ صرف ماڈلنگ کی بلکہ ایک خصوصی ٹی شرٹ بھی ڈیزائن کی، جس پر “Existing Shouldn’t Be Revolutionary” کا پیغام درج ہے۔ اس ٹی شرٹ کی تمام آمدنی ‘دی ٹریور پراجیکٹ’ کو دی جائے گی، جو LGBTQ+ نوجوانوں کی مدد کے لیے کام کرتا ہے ۔
ویوین نے 2022 میں اپنا نام اور جنس قانونی طور پر تبدیل کرنے کے لیے درخواست دی تھی، اور تب سے وہ اپنی شناخت اور خود اعتمادی کے اظہار کے لیے سرگرم ہیں۔ انہوں نے اس مہم کی تصاویر اور ویڈیوز انسٹاگرام پر شیئر کیں، جن میں وہ مختلف ملبوسات میں پراعتماد انداز میں نظر آتی ہیں ۔
وائلڈ فینگ کی سی ای او، ایما میکلروئے، نے ویوین کو بہادری، ذہانت اور بے باک شخصیت کی علامت قرار دیا ہے۔