بھارتی اداکارہ اور ڈانسر راکھی ساونت نے پاکستانی اداکارہ ہانیہ عامر اور بالی ووڈ سپر اسٹار سلمان خان کے رشتے کی خواہش کا اظہار کیا ہے۔
حال ہی میں ہانیہ عامر کو برطانوی پارلیمنٹ کی جانب سے ایوارڈ دیا گیا، جہاں تقریب کے بعد میڈیا سے گفتگو میں انہوں نے مختلف سوالات کے جواب دیے۔
سوشل میڈیا پر وائرل ایک ویڈیو میں ہانیہ عامر نے راکھی ساونت کے بیانات کو معصومانہ قرار دیتے ہوئے کہا کہ وہ ان کے سوشل میڈیا پیغامات سے محظوظ ہوتی ہیں۔
اس ویڈیو کے بعد راکھی ساونت نے بھی ردعمل دیا اور تبصرہ کرتے ہوئے لکھا کہ انہیں ہانیہ بہت پسند ہیں اور وہ چاہتی ہیں کہ وہ ان کے بھائی سلمان خان سے شادی کر لیں۔
راکھی ساونت نے مزید کہا کہ ہانیہ عامر نہایت خوبصورت اور باصلاحیت اداکارہ ہیں، جو گڑیا کی طرح دکھتی ہیں، اور پاکستانی خواتین اپنی خوبصورتی کے باعث دنیا بھر میں مقبول ہیں۔
راکھی ساونت کے اس تبصرے پر سوشل میڈیا پر ملا جلا ردعمل دیکھنے میں آیا، کچھ صارفین نے اسے مزاحیہ قرار دیا جبکہ کچھ نے سلمان خان اور ہانیہ عامر کے درمیان عمر کے فرق پر سوال اٹھایا۔
واضح رہے کہ یہ پہلی بار نہیں جب راکھی ساونت نے سلمان خان کے لیے کسی تجویز کا اظہار کیا ہو، اس سے قبل بھی وہ ہانیہ عامر کو ان کے لیے دلہن کے طور پر پسند کرنے کا ذکر کر چکی ہیں۔
