ہارورڈ یونیورسٹی نے ایک تاریخی فیصلہ کرتے ہوئے اعلان کیا ہے کہ ایسے تمام طلبہ جن کے خاندان کی سالانہ آمدنی 2 لاکھ ڈالر سے کم ہے، ان کے لیے ٹیوشن فیس مکمل طور پر معاف کر دی جائے گی۔
مزید برآں، ایک لاکھ ڈالر سے کم آمدنی والے خاندانوں سے وابستہ طلبہ کے رہائش، ہیلتھ انشورنس اور دیگر تعلیمی اخراجات بھی یونیورسٹی خود برداشت کرے گی۔ اس فیصلے کا مقصد متوسط طبقے کے طلبہ کے لیے معیاری تعلیم کو زیادہ قابل رسائی بنانا ہے۔
یہ نئی پالیسی تعلیمی سال 2025-26 سے نافذ العمل ہوگی اور غیر ملکی طلبہ کو بھی اس سے فائدہ پہنچے گا۔ یہ قدم انقلابی ثابت ہو سکتا ہے اور دیگر جامعات کے لیے بھی ایک مثال بن سکتا ہے۔
