محکمہ موسمیات نے کراچی والوں کے لیے خوشخبری سنائی ہے کہ آنے والے تین دنوں میں شہر میں مختلف موسم دیکھنے کو ملیں گے۔ اطلاعات کے مطابق موسم سرما کا اختتام ہو چکا ہے اور گرمیوں کی آمد شروع ہو چکی ہے۔
ہفتے کے دن شہر میں سخت دھوپ کا امکان ظاہر کیا گیا ہے، جبکہ اتوار کی صبح دھند چھا سکتی ہے، جس کے بعد دن میں دھوپ اور صاف آسمان ریکارڈ ہوگا۔ محکمہ موسمیات نے خبردار کیا ہے کہ دھند کے باعث حد نگاہ عارضی طور پر کم ہو سکتی ہے۔
پیر کو شہر میں زیادہ تر ابر آلود موسم کا سامنا ہو سکتا ہے۔ اس کے علاوہ رات سے صبح کے درمیان بلوچستان کی شمال مشرقی سمت سے ہوائیں چلنے کا امکان ہے، جبکہ دوپہر کے وقت سمندر کی جنوب مغربی سمت سے ہوائیں حاوی رہیں گی۔ یہ تین دن اہل کراچی کے لیے مختلف موسمی تجربات کے حامل ہوں گے۔
