بالی وڈ کی مشہور ڈانسر راکھی ساونت نے سابق پاکستانی کپتان وسیم اکرم کے ساتھ آئٹم سانگ کرنے کی خواہش ظاہر کی ہے۔
حال ہی میں دیے گئے ایک انٹرویو میں راکھی ساونت نے نہ صرف پاکستانی لڑکوں میں دلچسپی کا اظہار کیا بلکہ سوئنگ کے سلطان وسیم اکرم کے لیے اپنی پسندیدگی بھی ظاہر کی۔
انہوں نے اپنی دوسری شادی کے بارے میں بات کرتے ہوئے کہا کہ وہ دبئی میں کسی پاکستانی لڑکے سے شادی کرنے کی خواہش رکھتی ہیں۔
راکھی ساونت نے پاکستانی مداحوں کے لیے محبت کا اظہار کیا اور کہا کہ پاکستان میں ان کے بہت سے مداح ہیں جو انہیں تحائف بھیجتے ہیں، اور اسی وجہ سے وہ سمجھتی ہیں کہ انہوں نے پاکستان کا نمک کھایا ہے۔
اداکارہ نے وسیم اکرم سے ملاقات کا ذکر بھی کیا اور بتایا کہ جب انہوں نے وسیم اکرم سے ہاتھ ملایا تو انہیں کرنٹ لگ گیا، اور ان کا کہنا تھا کہ وسیم اکرم کو ان کے ساتھ آئٹم سانگ کرنا چاہیے۔
راکھی نے اپنی گفتگو کے دوران یہ بھی کہا کہ جب بھی ان کی شادی ہو، وہ چاہیں گی کہ وسیم اکرم اس میں شرکت کریں۔
