حریت رہنما یاسین ملک کی اہلیہ مشعال ملک نے کہا ہے کہ بھارت نے مقبوضہ کشمیر میں لوگوں سے احتجاج کا حق بھی چھین لیا ہے۔
جیو نیوز کے پروگرام جیو پاکستان میں بات کرتے ہوئے مشعال ملک نے بتایا کہ بھارتی قابض فوج نے مقبوضہ کشمیر میں لوگوں کی زمینیں چھین کر غیرقانونی ہاؤسنگ سوسائٹیز قائم کی ہیں۔
انہوں نے مزید کہا کہ بھارتی اقدامات کے باعث مقبوضہ کشمیر کی چیمبر آف کامرس کو کھربوں ڈالر کا نقصان پہنچا ہے، اور بھارتی فوج نے مقبوضہ کشمیر میں لوگوں کی مذہبی آزادی پر بھی پابندی عائد کر دی ہے۔
مشعال ملک نے کہا کہ بھارت کی 10 لاکھ فوج کا مقابلہ مقبوضہ کشمیر کے نہتے عوام کر رہے ہیں۔ انہوں نے یہ بھی کہا کہ دنیا چاہے جتنا بھی نظر انداز کرے، مسئلہ کشمیر اب بھی خطے کا فلیش پوائنٹ ہے۔
