پاکستان اسٹاک ایکسچینج میں نئے کاروباری ہفتے کے پہلے روز منفی آغاز کے باوجود کاروبار کا اختتام مثبت رہا۔
100 انڈیکس میں 1529 پوائنٹس کا اضافہ ہوا، جس کے بعد انڈیکس 1,14,330 کی سطح پر بند ہوا۔
کاروباری دن کے دوران 100 انڈیکس 2716 پوائنٹس کے بینڈ میں رہا، جب کہ انڈیکس کی بلند ترین سطح 1,14,573 ریکارڈ کی گئی۔
بازار میں مجموعی طور پر 45 کروڑ 55 لاکھ شیئرز کے سودے ہوئے، جن کی مالیت 25 ارب 88 کروڑ روپے سے زائد رہی۔
مارکیٹ کیپٹلائزیشن میں 146 ارب روپے کا اضافہ ہوا، جس کے بعد اس کی مجموعی مالیت 14,104 ارب روپے تک پہنچ گئی۔
